![](https://i0.wp.com/krajbrezje.mk/wp-content/uploads/2020/01/prvata-digitalna-makedonska-knizharnica-e-vekje-tuka0.jpg?resize=768%2C432&ssl=1)
Инспирирани од дигиталната ера и глобалната еколошка криза, тимот на Книготека.мк одлучи да го олесни секојдневието на македонските библиофили.
Книготека.мк е дигитална апликација што им овозможува на своите корисници да купуваат електронски книги објавени од македонски издавачи и истите да ги читаат онлајн и офлајн на своите уреди.
Сите корисници имаат своја лесно пренослива дигитална библиотека каде можат да ги чуваат своите книги, да ги оценуваат, коментираат и споделуваат на социјалните мрежи.
„Го создадовме првиот агрегатор за електронски книги со цел да ги направиме книгите подостапни до читателите и да им овозможиме да читаат во кое било време, каде и да се наоѓаат во светот. Изреката ‘so many books, so little time’ повеќе не е изговор да не им се посветиме на книгите во овој брз и динамичен свет на живеење. Литературата е неопходна бидејќи нè прави попаметни и поотворени личности, а со Книготека го правиме читањето подостапно и поудобно од кога било“, вели Марија Ичокаева.
Денес Книготека располага со околу 300 книги напишани од странски и домашни автори. Апликацијата е бесплатна и е поддржана од сите мобилни уреди и таблет-уреди на двата главни оперативни системи iOS и Android.
Сè што треба да направите е да ја симнете апликацијата на вашиот мобилен или таблет-уред, да се регистрирате и да започнете со купување и читање на најновите е-книги.
Извор
Ние ја поддржуваме идејата и посакуваме ова да биде успешен „проект“. Веќе ја симнавме и ја пробуваме, наскоро ќе ви кажеме впечатоци.
![](https://i0.wp.com/krajbrezje.mk/wp-content/uploads/2020/01/prvata-digitalna-makedonska-knizharnica-e-vekje-tuka.jpg?resize=768%2C466&ssl=1)
![](https://i0.wp.com/krajbrezje.mk/wp-content/uploads/2021/03/20201213_155946-scaled.jpg?resize=100%2C100&ssl=1)
Блогирањето е важен дел од нејзиниот живот. Кафе, книги и музика ѝ се вечна љубов.