Розови соништа

Заспиваш над моите раце

Нежно го поткревам твојот поглед

За да видам дали ги склопи очите.

Ја добиваш розовата боја на

Мојата дланка

И заспиваш во розови соништа.

Тие ја будат квечерината на сонцето кое заоѓа

И ти толку нежно спиеш

Што не потонуваш во ноќта

А јас,

Јас сум будна во дневнината на мракот

И чекам да зазори

За да ги видам твоите очи.

Тие се првиот зрак на денот

Првиот факел,

Првото искушение

И првата капка роса

На мојот овенат допир.

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?