Занес – Михаил Ренџов

Споделуваме сонет од големиот поет Михаил Ренџов, мајстор на кратката поетска форма, каде сѐ се претвора во стих, дури и самиот поет.

Сѐ што погледам затреперува

Сѐ што именувам се претвора во стих

Со мојот здив, милозлив, незгаслив,

Сѐ што именувам се претвора во стих.

И самиот сум стих: Огнолик, немирник,

Упатен кон небото, како лебедот

Во висините, во тишините ангелски,

Блиски, а далечни, далечни, а блиски.

Како во облаците молњите, коњите

Небесни, разџилитени, заскитани секавици

Разлетани жар – птици, пламеници.

Стиховите венци, божји галеници,

Гласници лични, божји миленици,

Стиховите, жар птици, звуци небесници.

close

Впиши го војот емаил ако сакаш да станеш дел од нашата блог заедница на читатели!