Последната бонбониера – Менче Кадинец

Не биди тажна

ако ликот не ми го гледаш

ако не можам да те погалам,

ако мечтите не можам да ти ги подржам.

Држи си ја среќата,

ако ти е среќа во твоите раце,

живеј си, радувај сe,

секој момент да ти биде весел

горд.

Не дозволувај

душата да ти клапне,

да ти се пеплоса.

И не заборавај

Господ животот

ти го подари, цени си го.

Сакај се самата себе

најмногу,

сакај си ја душата,

сакај го денот

биди насмеана

биди горда.

Јас секогаш ќе бидам до тебе

ќе ме најдеш

ако ти требам

ќе ти бидам потпора

сјај, што не згаснува

Не тагувај

еве да каснеме

од нашата последна

бонбониера,

барем со неа благост

ќе си внесеме,

земи го чоколадото

од срце и ѕвезда,

а јас од надеж

и душа.

И не тагувај мила.

Автор: Менче Кадинец

close

Впиши го војот емаил ако сакаш да станеш дел од нашата блог заедница на читатели!