Литература Македонска поезија Поезија

Благослов

Ме гори душава од немање сон

Ме гори сонот зошто тогаш немам душа

Ми пламтат очите од немање спарен поглед

Ми пламти срцево од голем копнеж

Му кажав да дојде да го распламти сонот

Му кажав да ми ја разбуди душата

Ми подари небесен поглед

Mи подари огнена душа

Ме одведе во рајските сништа

Ме разнесе низ твоите ветришта

Те најдов во разулавените минати сеништа

Те најдов во заборавените огнени пепелишта

Ми кажа дека ти си сѐ по што копнеам

Ми кажа дека копнеам по твојот сон

Ми кажа дека копнеам по твојот поглед

Ми кажа дека само ти можеш да го разбереш мојот копнеж

По непознатото,

По вечниот благослов

Само не знам,

Не знам дали ќе ми го дадеш.

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје