Вртлог – Ирена Белешковска

Со љубопитност ги набљудувам

рипките во аквариумот

што везден кружно пловат.

Знам, оти к’о нас

и тие талкаат

та запираат за миг

и повторно во круг

катаден низ концентричноста се маткаат,

ја сечат,

па угоре гледаат-

жедно ил’ желно,

несвесно минувајќи низ кружниците

за час,

барајќи спас

од вртлогот на секојдневието.

Ирена Белешковска, Крива Паланка

close

Впиши го твојот емаил ако сакаш да станеш дел од нашата блог заедница на читатели