Вашиот глас Литература Проза

Прочитајте, запомнете, но и применете – Дијана Станчевска

Многу книги прочитани, многу нешта поминати, па сакам и со вас читателите да ги споделам. Во животот понекогаш доживуваме тешки моменти, обесхрабрувачки, застрашувачки, дури и депресивни. Но предавајќи се на очајот и очајот ние самите не си правиме услуга напротив ја продлабочуваме внатрешната криза. Еве како да се оддалечиме од ваквите чувства и состојби.

Повеќето луѓе не слушаат со намера да разберат. Повеќето луѓе слушаат со намера да одговорат. Запрашајте се дали навистина ги слушате другите со желба да ги разберете ,да научите нешто ново, или едноставно не можете да чекате да зборуваат, без оглед што слушате во разговорот.

Ако второто важи за вас можеби е добро да го промените вашиот начин на размислување и да го отворите вашиот ум за повеќе нови работи. Научив дека луѓето ќе заборават на она што го кажавте, ќе заборават на она што сте го направиле, но луѓето никогаш нема да заборават како сте ги натерале да се чувствуваат.

Можеби не ги паметиме деталите, но секогаш се сеќаваме на впечатокот и чувството на нашата средба со некоја личност. Бродот е безбеден кога се наоѓа во пристаништето, но тоа не е целта на бродовите. Можеби сме безбедни и се чувствуваме пријатно дома, но целта на животот е да доживееме нови и различни емоции, да живееме со полна брзина.

Ако минувате низ пекол, само продолжете со одењето. Колку и да е тежок момент кога ќе го доживеете, ќе помине само ако не престанете да се обидувате да го промените. Ако јајцето е скршено од надворешна сила, животот ќе заврши. Ако се скрши одвнатре, животот започнува. Големите работи секогаш започнуваат прво одвнатре. Вистинската промена може да дојде само од внатре кон надвор.

Не ограничувајте се и не ги ограничувајте своите можности. Ништо не е невозможно. Бидете она што сте и кажете го она што го чувствувате, затоа што оние што се против не се важни, а оние што се важни нема да бидат против. Бидете што сте и луѓето што се грижат за вас ќе го почитуваат овој свој ваш квалитет, иако не секогаш го сакаат тоа. Оние кои нема да ве разберат не го заслужуваат вашето време и пријателство. Никој не може да ве повреди без ваша дозвола.

Луѓето можат да ве повредат само ако дозволите да го сторат тоа. Никогаш не се жалете на тоа што вашите родители не можеа да ви го дадат. Веројатно тоа беше сè што имаа. Љубовта на родителите кон своето дете е љубов без граници. Ценете го она што го направија и го дадоа за вас, затоа што тоа е веројатно сè што беше во нивна можност. Никогаш не ја знаете целосната вистина. Она што го знаете е ваша вистина.

Секој има своја вистина и верзија на она што се случува во животот и во светот. Не мора да постои единствена вистина, затоа што таа може да значи различни работи гледана од неколку различни перспективи. Бидете свои бидејќи сите други се веќе зафатени. Бидете сигурни во себе и во фактот дека сте уникатно човечко суштество, со своите слабости, но и прекрасни квалитети. Со смртта завршува животот, а не со прекин на врската.

Кога ќе изгубиме некој близок, жалиме за неговата загуба во нашите животи. Но врската со него, спомените не се изгубени тие секогаш се во нас и во нашето срце. Подобро е да бидете повредени од вистината отколку да бидете задоволни со лага. Нели? Зар не ги уништуваме непријателите така што ќе ги направиме пријатели?

Без разлика дали мислите дека можете или не можете, во право сте и во двата случaи. Вие го поставувате тонот за вашите достигнувања. Ако верувате дека можете да постигнете нешто, сторете го тоа. Ако не верувате дека ќе успеете дури и ако имате можност, сепак нема да успеете.

Вистината е, сите ќе ве повредат. Треба да ги пронајдете оние што вреди да се познаваат. Сите сме човечки суштества и сите правиме грешки. Вистината е дека аеродромите виделе многу поискрени бакнежи од сите свадбени сали. Велат дека и ѕидовите на болниците слушнале многу повеќе молитви од ѕидовите на сите цркви. Цените ги малкуте моменти, уживајте во нив сфатете ја нивната важност животот е еден и е многу вреден!

Автор: Дијана Станчевска

Similar Posts

Напишете коментар

Вашата адреса за е-пошта нема да биде објавена. Задолжителните полиња се означени со *

WP Twitter Auto Publish Powered By : XYZScripts.com
Крајбрежје