Пријатели

Животот без пријатели е како пустина без оази,

Само со нив можеш да седнеш и да уживаш во ѕвездите

под ведрото небо и да го почувствуваш животот и секој твој дамар

да чука во срцето твое,

Животот без пријатели е како море без риби

Само со нив квечерина можеш  да го начуеш цвркотот на штурецот

Додека реките на животот поминуваат покрај твоите нозе

И течат низ твоите вени,

Животот без пријатели е како град без градини

Само со нив можеш да го намирисаш вистинскиот цвет

Кој те опива во животот

И кој навлегува во твојата душа,

Животот без пријатели е како лице без очи

Само со нив можеш да ги видиш вистинските вредности

За кои вреди да се бориш

Кога се друго заминало во неповрат.