Песна – Снежана Петрова – Џамбазова

Снежана Петрова – Џамбазова е родена во Велес. Дипломирала на Филолошкиот факултет „Блаже Конески“ , на групата за македонски јазик и книжевност и јужнословенски книжевности. Од 1998 година работи во Институтот за македонски јазик „Крсте Мисирков “ во Скопје. Досега ги објавила поестките збирки „Направете место“, „Постела за сонот“ и „Другарска азбука“ (песни за деца).

Песната која ја споделуваме е дел од збирката „Постела за сонот“ . Уживајте во читањето!

Песна

Јас не барам Ное да сум

смртта в одмин да ме скраи,

зошто чист ко Јов и не сум,

но ни валкан колку Каин.

 

Човекувам – грев ли правам,

жигот веќе ми е втиснат,

в клетва – камен плеќи крепат,

дамна мојот глас е писнат.

 

И во мене безброј црви

прават длапки, апат, ринат,

но разлика сепак има –

го чувствувам делот скинат.

 

Па, многу ли е ако барам,

(штом средник сум, ете, некој)

од злосторник раздел само

да имам бар еден чекор?!

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?