Оние што не ја чувствуваат оваа љубов
како ги носи како река,
оние што не ја пијат зората
како да е чаша изворска вода,
и што не го вечераат залезот на сонцето,
оние што не сакаат да се изменат,
нека спијат…
Оваа љубов го надминува изучувањето на теологијата
таа стара измама и лицемерие.
Ако сакаш така да го развиваш својот ум,
продолжи да спиеш.
Јас од мојот ум се откажав,
ја распарав облеката и ја фрлив.
Ако уште не си сосема гол,
нагрни се со твојата убава наметка од зборови…
и спиј.
Руми (Два света)
![](https://i0.wp.com/krajbrezje.mk/wp-content/uploads/2021/03/20201213_155946-scaled.jpg?resize=100%2C100&ssl=1)
Блогирањето е важен дел од нејзиниот живот. Кафе, книги и музика ѝ се вечна љубов.