Литература Македонска поезија Поезија

Напиши ми песна за неа – Лина Димоска

Напиши ми песна за неа,
јас и сите рози да и ги наберам,
малку се.
Ниту една роза на светот
не е нежна како нејзините бедра,
ниту една роза на светот
не мириса толку убаво
како што таа мириса,
ниту една роза на светот
не е толку трнлива
како нејзиниот поглед кога е лута.

Напиши ми песна за неа,
напиши дека е убава,
напиши дека нема поубава,
напиши дека сите длабочини на светот
се скриени во нејзините очи,
дека цела мистерија
се вгнездила во нејзниот поглед,
дека ништо на светот не е понежно
од нејзниниот допир.

Напиши ми песна за неа,
напиши дека хаосот на светот
живее во нејзината глава,
дека сите галаксии
се скриени во нејзините мисли
и дека нема позбунета
и поубава
и пољубопитна девојка од неа.

Напиши ми песна за неа
затоа што таа зборови сака,
а на светот нема таков збор
кој ќе ѝ каже
колку убава е,
колку посебна е,
колку единствена е.

Ете затоа,
напиши ми песна за неа.
Таа песна сака.

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје