Ќе ми простиш ли
Милион зборови
напразно кажани
Ќе ми простиш ли
Болни чекори
без надеж чекорени
Ќе ми простиш ли
Ако заминам
И повторно посакам да се вратам
Ќе ми простиш ли
Ако продолжам да те сакам
И тогаш кога знам
дека друга те има
И тогаш кога знам
дека не смеам да се надевам
Ќе ми простиш ли
Ако те украдам
И те одведам до вечноста
Под младоста
Со љубовта
Ќе ми простиш ли
Ако останам засекогаш
Иако знам дека ти живееш
Како да не постојам.
Ирена Блажеска
