Занимливости и информации Рецитации

Слушнете ја рецитацијата на „Тоа таму“ од Петре М. Андреевски

ТОА ТАМУ

Што бараше да одиш таму,
кога знаеше дека тоа не е таму
и дека оттаму ништо не се гледа.

Што чинеше дека чиниш:
кај што никој во ништо не верува,
кај што никој на никој не му преправа,
кај што никој никому не прозборува.

Не попушти и кога те напушти часот
и кога виде на чија страна е законот
и на чија страна се сите.

Зар не помисли дека твоето време
веќе е изминато, веќе е изменето
и дека тоа таму нема за потаму.

Што бараше тогаш таму:
кај што никој никого не чека,
кај што никој ништо не кажува,
кај што никој никого не познава.

Таму беше сè јасно и опасно
и оттаму веќе немаше каде
и оттаму веќе немаше како.

Што бараше да си го бараш
кога сето тоа беше загубено
и кога никаде немаше ништо.

И, сега, ај кажи ми сега:
што му можеш на тоа што не го гледаш,
и што ти може тоа што не те гледа,
кога никој на никого не се сеќава.

Погледнете ја и оваа статија со рециталот за Трето писмо од Петре М. Андреевски.

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје