Признај ме за твоја,
па да бидам твое знаме и држава,
твој грб, твоја химна и армија.
Признај ме за твоја,
за да ти станам поддршка,
земја и татковина.
Признај ме за твоја под ѕвездите,
во црната ноќ, покрај реките,
до карпите и езерата,
преку океаните и морињата.
Признај ме и никој освен мене не мора да знае,
да остане церемонијата и признавањето само наше.
Признај ме и ќе се исправам,
признај ме и ќе војувам,
признај ме и светот ќе го сменам.
![](https://i0.wp.com/krajbrezje.mk/wp-content/uploads/2021/03/thumbnail_FB_IMG_1617049647286.jpg?resize=100%2C100&ssl=1)
Вечен вљубеник во хаосот, сопствената инспирација и сѐ она што површински не може да се види.