Вашиот глас Литература Македонска поезија Поезија

Новата декада – Дијана Станчевска

Почеток на една песна,

на еден ден, на една година.

Почетокот како човечки изум – човечка желба.

Постојано мислам дека има пијано во близина.
Постојано мислам дека тоа е мојата омилена песна.

Деновиве кревам чаша за да се осигурам дека е празна.
мислев дека шампањот е бесмислен.

Се обидувам да се сетам на приказната за златото,
за гигант што паѓа од небото.

Некој еднаш праша на кого се молев.
Реков за едно девојче со предниот заб што ѝ недостасува.

По овој редослед пијам прво вода,
што може да значи милост.

Да бевте тука, ќе танцувавме.

Да бевте тука, ќе знаевте што да направите.

И размислувајќи за тоа како секоја година,

ги донесувам истите резолуции

и како секоја година ги заборавам…

Дијана Станчевска

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје