Литература Македонска поезија Македонски автори Поезија

Поетска судбина

Да се умре во лулка на спокој кој чемери

Што тлее како булка во гради расцветани

О, да се умре со болка љубовна

Таква е смртта на поетите!

 

Да се битисува со неразјаснети сознанија

Кои плачат под песната на славејот

Да се разнебитува со впламната наивност

Таков е животот на поетите!

 

Да се лета, вечно да се лета кон височините

Кон нови љубови, патишта нови,

О, да се лета толку високо ,

Таков е летот на поетите!

 

Да се векува, да се биде вечно млад,

Како феникс кој се издига од прашината

Да се овековува животот, смртта, љубовта

Да се стане бесмртен,

Таква е судбината на поетите!

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје