Вино црвено – А. Лефкоска

Излези вистино,
скриена во тоа вино црвено,
во таа чаша кристална лек за срцево скршено.

Излезете зборови совршени,
од усните со вино црвено натопени,
излезете зборови милион пати проголтани.

Излезете реченици во флашата со вино црвено сокриени,
појавете се мои лузни на сонце што цел живот сте покриени,
растреперете се очи полузаспани,
со мислите застанете,
со вино црвено поетски наздравете.

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?