Сакај се мила – Наталија Наумовска

Сакај се мила
оти никој повеќе од себе нема да те сака,
сакај се мила
оти ѝ го должиш тоа на својата душа,
сакај се мила, срцето сè слуша
и она што телото му го вели
и она што во разумот знае да се всели.
Сакај се мила
и може никој друг на светов да не те сака
прегрни се себе, ти се имаш сама,
сакај се и кога мислиш дека најмалку заслужуваш
и кога ти е сеедно,
но и кога најмногу заслужуваш да си сакана.
Оти секој ден треба да си таква,
полна со себељубов и во тмурен ден
полна со радост и во сиви денови,
оти секој ден ќе ти е љубов,
ако си го направиш таков,
ако си го создадеш од себе, за себе.
Не заслужуваш ништо помалку од чиста љубов
ништо повалкано од чисто срце и чесни намери,
од неизвалкани мисли, само од оние
слатко валканите во умерена доза,
ништо почисто од чиста душа
и искрени зборови
поискрени од јасно огледало,
почисти од детска солза.
Сакај се мила,
запомни дека ти си љубов
што ја носиш и чуваш во себе.

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?