„Зад нејзините очи“, предлог серија базирана врз истоимениот роман од Сара Пинборо

„Зад нејзините очи“ е британска натприродна психолошки трилер серија создадена од Стив Лајтфут. Базирана е на истоимениот роман од Сара Пинборо во 2017 година. Премиерно беше прикажана на Нетфликс на 17 февруари 2021 година. Во серијата која има 6 епизоди во главните улоги играат Симона Браун, Том Бејтмен, Ева Хјусон и Роберт Арамајо.

Накратко за содржината

Луис е самохрана мајка, работи како секретарка и е заглавена во секојдневието. Ноќта кога ќе излезе во еден бар се среќава со  еден симпатичен човек и помеѓу нив се раѓаат искри. Тој заминува веднаш откако ќе се бакнат, а таа е воодушевена што конечно најде некој што ѝ се допаѓа.

Кога Луис ќе пристиге на работа таа случајно дознава дека новиот шеф е токму тој истиот Дејвид,  човекот од барот. Таа дознава дека тој е оженет и тој ѝ вели дека бакнежот бил ужасна грешка. Меѓутоа чувствува огромна блискост и симпатии кон Луис.

Набрзо Луис “случајно“ се запознава со Адел, која вели дека е осамена, дека после преселбата во новиот град нема пријатели и ја поканува Луис на кафе. Дејвид и Адел изгледаат навидум совршено како брачен пар. Но поради што Дејвид е перфекционист, не може да ѝ верува на својата сопруга, а таа пак се плаши од него?

Луис полека ќе влезе во животот на Дејвид и Адел. Ќе почне да открива многу прашања што немаат одговор. Едно нешто коешто е кристално јасно е дека нешто во тој брак е многу, многу погрешно.

Ние препорачуваме да ја прочитате книгата „Зад нејзините очи“ и задолжително да ја изгледате серијата. Одговорите сами по себе ќе се отквираат, дури во последните две епизоди или во расплетот во книгата.

Погледнете го официјалниот трејлер на видеото.

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?