Ѕвездена ноќ

Ноќта е тивка
ги носи одговорите
некогаш и на непоставени
прашања.

Ноќта е тешка
кога те измачуваат мислите
кои можеби и не си ги
повикал.

Ноќта е будна
им го краде сонот на ѕвездите
што им го осветлуваат патот
на месечарите.

Ноќта е затишје пред бура,
привиден спокој што плени,
ти краде часови и минути
не знаејќи дека ти свесно
ѝ ги подаруваш.

Ноќта е тивка,
ги носи одговорите
кои отсекогаш си ги имал.

close

Впиши го војот емаил ако сакаш да станеш дел од нашата блог заедница на читатели!