Ден достаса светол низ утрина чиста
в руменило кога се капеше исток,
и тежеше бисер по кревките листој…
Ден достаса кога огнените стрели
го пореа силно сонливото небе,
и триеја очи заспаните села
расфрлени ширум по ширниот гребен.
Над логорот кога се разнесе грубо
звукот прв од нашата ранобудник-труба.
Ден достаса кога и нашата смена
киниса со песна во првиот бој,
во првата битка со тврдите стени
во бојот за строеж на животот свој.
Ден достаса светол, прв бригаден ден,
со песна и смеа беше искитен.
![](https://i0.wp.com/krajbrezje.mk/wp-content/uploads/2021/03/20201213_155946-scaled.jpg?resize=100%2C100&ssl=1)
Блогирањето е важен дел од нејзиниот живот. Кафе, книги и музика ѝ се вечна љубов.