Зад сврзникот „и“ – Гане Тодоровски

И? тие сме ти, недостижни за тебе
Спокојствие,
за тебе тивка убост.
Сè почесто за сонот ден ни треба
за денот сон и пцости
па и грубости.

И: севезден непрестајно нè мами
недофатот по она што заутрува-
па патиме ко секој самик
во јазлите на својте чувства крути.

И: севезден по стопати се прашаме
зар токму такви сме ти слабаци,
што сè уште безразложно се плашат
со две раце од животот да грабаат!

И: никој не е, ни јас, ни ти, ни тој,
ненадејник без смисла за чекорење
накај смиреноста на оној пристан свој
каде што вреди да се сетиш морен.

И: тоа еднаш ќе се случи
драги, безимени човечиња во сиво,
па белки ќе се принаучиме
да подразбираме од животов.

Божилак (1960)

close

Впиши го војот емаил ако сакаш да станеш дел од нашата блог заедница на читатели!