Од „во утрините“ – (1951)
На портата тропал ветрот разјарен,
достасан од пусто, обелено поле.
Пред портата стенкал смрзнатиот ден
врз портата снегот снегулчиња солел
На портата тропал полицаец див
со стокмена в раце крвожедна пушка.
Зад портата молчел борец горделив,
со натегнат шмајзер до градите гушнат
На портата тропал…Но кус рафал сал
се огласил диво в пустелија ладна;
на портата тропал. Но в миг замолкнал.
– Пред портата срушен крвожедник паднал.
На портата стивнал…Во гората в миг
грмеж, рафал бурно пак наеднаш екнал.
Партизанот таму денес победник,
на стражата будно нов тиранин чекал.
Поезија (1990)
![](https://i0.wp.com/krajbrezje.mk/wp-content/uploads/2021/03/20201213_155946-scaled.jpg?resize=100%2C100&ssl=1)
Блогирањето е важен дел од нејзиниот живот. Кафе, книги и музика ѝ се вечна љубов.