В тишината балансира зелен водоскок
тажно извишен и кроток стои тој
Децата ги ронат
гнездата на звуците
па е така безнадежно сам
Ослони се одмори се невина
на рамената на ветерот
не ведни се крени се за еден поглед мал
над оваа премногу нерамна
висока
разбранета ливада на куќите
Тогај накваси го грлото
на нивните црвени треви
тие ја помнат земјата
што те роди
Дождови (1956)
Блогирањето е важен дел од нејзиниот живот. Кафе, книги и музика ѝ се вечна љубов.