Ѕвезди над куќниот покрив – Влада Урошевиќ

Ѕвездите што стојат над куќниот покрив
куќата од сите зла ја чуваат.
Сокриени добро меѓу гранките мокри
крадците куќата ја посочуваат.

Внатре млада девојка се соблекува гола.
од покривот се мешаат во сонот телата.
Низ оџакот, испрегнати од Големата Кола,
гледаат животните со ѕвезди на челата.

Луди слики прават ѕвездите на небото.
Крадците, маѓепсани, си ги забораваат целите.
Внатре, под покривот, како тестото на лебот,
расте сонот, преплавувајќи ги постелите.

Месечината и сенките се мешаат на ѕидот.
Сè е сон: и куќата, и ѕвездите, и гранките.
Збунетите крадци, седнати на ридот,
пред да заспијат читаат од читанките.

close

Впиши го војот емаил ако сакаш да станеш дел од нашата блог заедница на читатели!