Каде ли одат, каде
оние што сме ги сакале,
а заборавиле?
Каде ли одат,
во кој пекол
и небиднина?
Крај која ѕвезда
и Недојдија?
Каде ли во душава
заспале очите
кога усните замолчиле?
Во кој дел од неа рацете
постела си направиле
и таму вечно се заборавиле?
Каде ли одат изгубените љубови?
Оние што се неостварени,
прекинати, скоро, за оцку заборавени?
На чии крилја им летаат зборовите,
(не)искажани на време, тивко, во ноќите?
![](https://i0.wp.com/krajbrezje.mk/wp-content/uploads/2021/03/thumbnail_FB_IMG_1617049647286.jpg?resize=100%2C100&ssl=1)
Вечен вљубеник во хаосот, сопствената инспирација и сѐ она што површински не може да се види.