Земјата е тркалезна – Милчо Мисоски

На Франсис Комб

Земјата е тркалезна
а зошто да не е
тоа воопшто не и пречи.

Земјата е тркалезна
го знаат тоа сите
но некои не се согласуваат и просто не веруваат,
и се разбира од завист
посакуваат таа да биде обична плоча.

Земјата е тркалезна
но некои забораваат дека како деца чекореле по неа.

Земјата е топка
безобразно и безобзирно тркалезна
и само поради тоа, замислете само поради тоа
луѓето не ја разбираат, не ја сакаат и не ја почитуваат.

На мое задоволство
Земјата останува
тркалезна
трае тоа, завртување без свртување,
постојано и постојано како судбина
свесност без поглед зад себе
засолнето саможртвие на вечниот миг
мал подарок што ја крие вистината непрепознаена.

Песочни капки (2017)

close

Впиши го твојот емаил ако сакаш да станеш дел од нашата блог заедница на читатели