Поезија за деца: „Сончева песна“ од Стојан Тарапуза

Денес за најмалите ја имаме стихотворбата „Сончева песна“ од Стојан Тарапуза. Кратка и интересна песничка во која, преку римата, ритамот и прекрасните поетски слики се опишани Сонцето и убавината на сончевиот ден. Се надеваме дека заедно со најмалите ќе уживате во читањето.

Сонцето свети, сонцето сјае,
сонцето безброј волшепства знае.
Внеси го в соба, стави му клатно,
ќе ти го мери времето златно.
Вдени го в коса, врзи го здраво,
ќе ти го симне од душа стравот.
Всели го в очи, стави му двоглед,
ќе ти го злати целиот поглед!

Сонцето свети, сонцето сјае,
сонцето безброј вештини знае!

close

Впиши го твојот емаил ако сакаш да станеш дел од нашата блог заедница на читатели