Игор Џамбазов, актер кој пее за актерите. Еден од ретките како што и самиот вели во неговата збирка „Диши длабоко“, првиот актер кој пред актерите пее сонгови за актерите. И добива чиста десетка. Нема што да се каже освен да се ужива во неговата поезија.
Секогаш ваш, а никогаш свој
Оваа професија најубава на светот
за ништо не ја менувам.
Некогаш сум скитник, утре тип од џет-сетот
и заедно со нив разденувам.
Секоја вечер на сцената сум качен
и нема кој да ми каже стој.
Морам да се смеам и тогаш кога ми се плаче
и секогаш ваш, а никогаш свој.
И ви пееме,
и ве смееме,
за до први да преживееме…
И не ме прашај колку имам плата,
седни малку да се дружиме.
Една гитара, песна, ракија, салата,
и така во кругот кружиме.
И ви пееме,
и ве смееме,
за до први да преживееме…
![](https://i0.wp.com/krajbrezje.mk/wp-content/uploads/2021/04/Maja-Mal..jpg?resize=100%2C100&ssl=1)
Вљубеник во книжевноста кој верува во светлината на зборот и на љубовта.