„Записите за Џозефина (81)“

large

Лесно е да се откажеш,
тешко е одново да почнеш
и да продолжиш
кај што си застанал.
Лесно беше да ја гледаш,
тешко можеше да ја разбереш
ако не ти дозволи,
ако не ти верува.
Од неа нема да чуеш
„се откажувам“,
не го одбираше лесниот пат
никогаш.
Од неа можеш да очекуваш
неочекувано
и непредвидливо
кога најмалку се надеваш.
Лесно е да судиш,
тешко е да бидеш во туѓа кожа,
а тоа не ни можеш,
не ни сакаш.
Лесно беше да живееш,
тешко беше да преживуваш
ако немаш сили,
ако немаш средства.
И сѐ беше лесно,
ако ја имаш нејзе,
и сѐ беше достижно
ако ја чуваш до тебе.
И сѐ беше лесно,
кога си жив
и дишеш,
а имаш за што.
И сѐ беше лесно,
ако веруваш
и се надеваш,
а имаш во и за што.
И сѐ беше поврзано со неа,
и денот
и ноќта
и измеѓу.
И сѐ беше поврзано со неа,
и мислите
и постапките
и чувствата.
И сѐ беше поврзано со неа,
и минатото
и сегашноста
и иднината.

 

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?