5 романи од Габриел Гарсија Маркес кои мора да ги прочитате

Еден од најголемите латино-американски писатели на 20 век, Нобеловецот Габриел Гарсија Маркес оставил големо влијание врз литературата. Во тоа име денес предлагаме да ги прочитате неговите пет најпознати романи каде тој се прикажува како мајстор на магичниот реализам.

Роден е на 6 март 1928 во Колумбијм, во текот на животот покрај тоа што бил писател бил и новинар и политички активист. Починал на 27 март 2014 година во Мексико Сити, Мексико.

Се разбира, започнуваме со Сто години самотија, роман кој му донесе планетарна слава.

1. „Сто години самотија“ – 1967 година

Романот „Сто години на самотија“ го следи животот на седум генерации на семејството Буенџа во измисленото село Макондо. Оваа приказна за цигани кои пророкуваат и инцестуозни љубовници стана бестселер веднаш штом се појави во јавноста. Со него Габриел Гарсија Маркес се стекна со светска слава и започна неговата глобална експанзија во латино – американската литература.

2.  „Есента на патријархот“ – 1975 година

Габриел Гарсија Маркес помина десет години истражувајќи ги диктатурите од Пинила до Трухило и од Франко до Перон – и потоа се обиде да заборави на сè што слушнал и прочитал за да ја измисли оваа приказна за самоизмислениот  „Генерал на универзумот“. Романот започнува со откривањето на телото на мртвиот тиранин на подот на претседателската палата, кој е „постар од сите стари луѓе и сите стари животни на копно или море“, пред да го истражи своето морално пропаѓање и политичката парализа во како што вели самиот автор, „песна на самотијата на моќта“.

3. „Љубов во време на колера“ – 1985 година

Инспириран да ја напише од постојаното додворување на своите  родители, Љубов во време на колера раскажува како љубовта помеѓу Флорентино Аризо и Фермина Даза е спречена од бракот на Фермина со лекар што се обидува да искорени колера. Но љубовта постојано тлее во нив за да оживее повторно 60 години подоцна.

4. „Генералот во неговиот лавиринт“ – 1989 година

Ги прикажува последните месеци од животот на Симон Боливар, генералот кој ја ослободи Колумбија од шпанското владеење во почетокот на 19 век. Овој роман предизвика бура во Јужна Америка кога беше објавен за првпат. Сликајќи го патувањето на револуционерниот водач од Богота до колумбискиот брег, Габриел Гарсија Маркес слика портрет на човек кој е физички и психички исцрпен на крајот од својот живот. И размислува за неговата борба за обединување на американските народи.

5. „Вести за едно грабнување“ – 1996 година

Габриел Гарсија Маркес во текот на целиот живот работел како новинар, тврдејќи дека тоа го одржува „во контакт со реалниот свет“. Овде тој ги анализира големиот број киднапирања организирани од картелот Маделин на колумбискиот дилер на дрога Пабло Ескобар, во 90-тите.

Се надеваме дека веќе сте прочитале или дека ќе земете да прочитате едно од овие маестрални дела.

Извор

close

Дали сакаш во твоето сандаче да стигнуваат
најпосетуваните статии на блогот
на крајот од секоја недела?