Ќе се сетиш ли? – Дијана Станчевска

Ќе се сетиш ли…Ако ти кажам

зборови одамна заборавени

или намерно заборавени

во твоите спомени?

Ќе се сетиш ли…Ако ги затвориш очите

и на момент се вратиш на твое место…

тајно место што го криеш?

Ќе се сетиш ли…На бегањето од местото

просторот и магијата на моите зборови

Од срце кажани?

Ќе се сетиш ли…Ако ти кажам дека сум

на најладното место, а знам дека

сакам да сум крај оганот?

Ќе се сетиш ли…Ако го слушнеш гласот

кој плаче во мене, а сепак се смее на глас?

Се прашуваш дали ќе се сетиш?

Да, ќе се сетиш или повторно ќе заборавиш.

Дијана Станчевска

close

Впиши го твојот емаил ако сакаш да станеш дел од нашата блог заедница на читатели