Како од ведите да влезе
тоа девојче во автобусот градски.
Кладенец полн со небо.
Во шумјаците длабоки на срцето
го пасе стадото Говинда
и секоја ѕвезда е виме
од која капе млекото
на Големото Незнаење
Дали имаше автобус тој ден
и дали воопшто влезе
девојчето во него,
се прашував утредента јас:
Може се бев исплашил,
како од силна грмотевица,
од ненадејната средба
со невиноста на исконот.
Сега во несоница седам
сведнат над Бхагавад Гита.
Ги вртам нејзините страници
полни со вечност
и го барам девојчето
што влезе по грешка
во автобусот градски тој ден.
Ефтим Клетников, збирка Неискажливо
![](https://i0.wp.com/krajbrezje.mk/wp-content/uploads/2021/03/20201213_155946-scaled.jpg?resize=100%2C100&ssl=1)
Блогирањето е важен дел од нејзиниот живот. Кафе, книги и музика ѝ се вечна љубов.