Вистинска љубов – Габриела Стоимановска

Вистинската љубов е нешто најубаво што може да го доживее секој човек. Вистинската љубов немала крај? Не се согласувам со ова, сè има крај и сè некогаш завршува, а единствениот начин да остане е цврсто да го држите до себе.

Зарем ако не ставиме вода на цветот тој ќе живее ли? Човекот е како цветот, нежен и чувствителен, а ако малку посилно се притисне се крши на илјада парчиња, баш како и човековото срце. Не е доволно само да сакаш некој како некои не го разбираат тоа? Според мене довербата и верноста се најголемите вредности во една врска. Па има ли љубов без доверба? Може да сакате некој, а да не му верувате на зборот?

Можеби само се залажувате дека баш тоа е вистинското. Не го најдов вистинското затоа што не е време ниту место. Сè во нашиот живот се случува поради оваа или онаа причина, но ништо не е случајно. Постојат врски полни со љубов во кои потоа жената трпи насилство и тоа е дел и правило на љубовта? Не станува збор само за физичко малтретирање, а што со жените кои трпат навреди секојдневно?

Не, не смеете да се залажувате себе си, не сè што мислите е љубов. Живееме во општество каде мажот е сè, а до кога така? Доколку самите не се избориме за нашето место во општеството никој тоа нема да го стори наместо нас!

Габриела Стоимановска

close

Впиши го војот емаил ако сакаш да станеш дел од нашата блог заедница на читатели!