Приказната за селанецот кој барал скапоцен камен

Што претставува богатството за еден човек? Дали лесно може да се одрекне од нешто вредно? Оваа кратка приказна носи длабока мудрост во неа, прочитајте ја и дознајте што кријат следните редови.

Некој сиромашен селанец трчајќи пошол кај свет човек кој се одморал под едно дрво.

– Камен! Камен! Дај ми скапоцен камен!

– Каков камен?, го прашал светиот човек.

– Ноќеска сонував дека ќе пронајдам човек кој ќе ми даде скапоцен камен кој ќе ме направи богат засекогаш – одговорил селанецот.

Светиот човек посегнал по својата торба, почнал да бара во неа и после некое време извадил камен.

– Мислиш овој? – рекол и му го дал на селанецот.

– Го пронајдов на пат пред неколку години. Секако дека ќе ти го дадам.

Селанецот го погледнал каменот со чудење. Бил дијамант веројатно најголем на целиот свет, го зел и заминал. Таа ноќ селанецот ја пробдеал во кревет неможејќи да заспие.

Следниот ден околу пладне повторно пошол кај светиот човек.

– Дај ми го тоа што ти овозможи да се одрекнеш од дијамнатот толку лесно! – извикал селанецот.

Приказната е источна народна мудрост.

Поука на приказната (извадена во слободен стил): „Лесно стекнатото богатство носи грижи и несоница, а кога несебично можеш да даруваш, ти си вистински богат“.

Прочитајте ја и оваа кратка приказна „Кој/а сум јас“ чијшто одговор ни е истовремено и блиску и далеку“.

close

Впиши го војот емаил ако сакаш да станеш дел од нашата блог заедница на читатели!