Skip to content

Мигранти

Машините работат на пареа која се лачи како млеко

Од градите на мајките кои никогаш не ги видоа своите синови

Ги изгубиле низ шините

Газејќи на туѓите животи , барајќи го својот

Несреќници,

Креваат чело и губат души

Осаменост во пламен

Воз кој ги носи во неповрат.

Перони кои пиштат во ноќи без надеж

Подобро утре! – викаат скретничарите

И ги поместуваат шините кон запад.

Не се гледа дождот во нивните очи.

Четирите страни на светот ги полеваат со цвеќе

Кое овенало во нивните души

Бараат дождот да се слее од очите

Запрел, не ги послушал

Полеваат, но не се прочистуваат

Гревовите на светот ги носат

Но полеваат цвеќе за да

Изникнат некои нови светови.

Некои нови цветови.

Бели, распослани крај шините

Место булки

Кои ја изгубиле својата црвена боја

За да ја покажат нивната невиност.

Напишете коментар