10 интересни факти за животот на големиот Пушкин

Придонесот на Александар Пушкин за руската литература е навистина голем. Неговите песни ги учат многу Руси напамет, а неговите романи се меѓу првите што  ги читаат на училиште. Иако неговите дела се добро познати, неговиот живот е полн со многу неочекувани настани. Еве неколку интересни и необични факти за овој голем руски писател:

1. Тој имал етиопско потекло

Семејството на Пушкин влечело корени од стара аристократска лоза. Интересно е што Пушкин исто така имал африкански корени, бидејќи неговиот прадедо бил син на африкански принц, кој служел под првиот руски император Петар Велики. Иако Пушкин никогаш не бил во Африка, во негова чест бил подигнат споменик во главниот град на Етиопија, Адис Абеба, со натпис „на нашиот поет“.

2. Бил талент за јазици

Како и многу деца од благородничко потекло, Пушкин бил навикнат да учи странски јазици уште од мали нозе. Неговите воспитувачи биле Французи и тој течно го зборувал јазикот уште од детството. Нормално, тој бил мајстор и на рускиот јазик, што се гледа од неговите дела. Но, покрај тие два, Пушкин зборувал вкупно десет јазици. Неговите лингвистички способности се видливи и од библиотеката што ја имал во неговиот стан во Санкт Петербург – преку 4.500 книги на 14 јазици.

3. Бил многу приврзан со својата дадилка

Дадилката на Пушкин, Арина Родионовна, била селанка која му припаѓала на неговото семејство и била во нивна служба долги години. Кога Пушкин беше испратен во егзил, таа ја споделила неговата судбина и отпатувала со него. Тој поминал многу осамени ноќи со неа, слушајќи ги нејзините приказни и бајки. Пушкин и посветил голем број песни на својата дадилка и бил инспирација за ликот на дадилката на Татјана во Евгениј Онегин.

4. Пушкин бил коцкар

Пушкин сакал да игра карти, иако не беше особено успешен во тоа. Тој често се задолжувал и потоа набрзина пишувал цела ноќ за да ги исплати долговите. Кога на 37-годишна возраст на фаталниот дуел му заврши животот, тој починал со значителен неплатен долг. Изненадувачки, царот Николај I, со кого Пушкин не бил во добри односи, наредил да се исплати долгот на поетот од државната каса.

5. Пушкин бил најпродуктивен за време на епидемија на колера

Непосредно пред да се ожени, Пушкин заминал во својот семеен имот во Болдино за да ја преземе контролата над земјата што му ја предал неговиот татко заради неговиот претстоен брак. Иако посетата требаше да биде кратка, Пушкин останал во селото три месеци поради карантин од епидемија на колера. Овие три месеци се покажаа како најпродуктивни во целата негова кариера. Ја завршил работата на романот Евгениј Онегин, го завршил циклусот раскази „Белкиновите приказни“ и збирката драми „Мали трагедии“. Згора на тоа, Пушкин напишал над 30 песни.6. 

6. Пушкин ги сакал жените

Пушкин не бил посебно привлечен. Бил низок, висок околу 166 см и немал убави црти. И покрај тоа, младиот поет често наоѓал пат до женското срце и според некои проценки во неговиот живот имал преку 100 љубовници. Пушкин почнал да ги посетува јавните куќи уште од 14-годишна возраст и не застанал дури и за време на неговиот брачен живот.

7. Долго време поминал во егзил

Како отворен писател Пушкин често се спротивставуваше и ја критикуваше владата. Неговото пишување често беше цензурирано и конфискувано. Но, неговите епиграми што го понижуваа императорот Александар I беа посериозен прекршок и тој ќе бил осуден на работни логори во Сибир ако не му помогнал неговиот пријател. Наместо тоа, тој беше испратен на југ во егзил, каде што требало да „размисли за своето однесување“. Тоа не го направил и бил преместен во помалку пријатен егзил на север, во имотот на неговото семејство, каде што бил во целосна изолација.

8. Обожавал дуели

Во текот на животот поетот учествувал во 90 дуели, а 15 од нив самиот ги иницирал – еден од тие дуели се покажал како последен за него. Животот на Пушкин ненадејно згасна откако Французинот Жорж Д’Антс смртно го застрелал. Пушкин сериозно ја сфатил неговата чест и кога Д’Антс отворено му се додворувал на неговата сопруга, тој немал друг избор освен да го предизвика на дуел. Пушкин го изведе првиот удар, но промаши, оставајќи го Д’Антс да го изврши фаталниот удар.

9. Тој основал литературно списание

Пушкин беше основач на списанието „Современник“. Списанието објавуваше и белетристика и нефикциски дела од најзначајните писатели во тоа време. Сепак, објавите не остварија профит и имало само 600 претплатници за почеток. Последните две изданија пред неговата смрт Пушкин мораше да ги исполни со свои дела, бидејќи многу негови колеги го напуштија уредувачкиот одбор. По неговата смрт, списанието беше предадено на поетот и писател Николај Некрасов.

10. Идејата за „Мртвите души“ му ја дал на Гогољ

Николај Гогољ исто така бил истакнат писател и добар пријател со Пушкин. Еднаш во разговор, Пушкин му раскажал на својот пријател случка за  бегалци од еден молдавски град кои земале имиња на мртви луѓе да избегаат од законот, што резултирало со смртни случаи регистрирани во тој град цела година. Оваа приказна ја поттикна идејата за заплетот на Мртвите души, едно од најпознатите дела на Гогољ.

Прочитајте и  10 факти за Леонардо да Винчи кои можеби не сте ги знаеле.

close

Впиши го твојот емаил ако сакаш да станеш дел од нашата блог заедница на читатели