Македонска поезија Поезија

А, сакав

Пробувам да напишам поема

Побудата ја заклучив во фиока

И клучот остана таму

Побуда нема, поема нема

А сакам, да напишам поема

Земав лист, земав перо

Перо ми се јави да одиме

На по една чашка вино

Виновно се чувствувам

За поемата заборавена

А сакам, да напишам поема

Сакам колку што сакам се`

Колку што сакам и бурбон

И сон после него

Поемата ме чека и тропа

Нервозно со ногата лева

Јас пак летва направен

мислам на расказ

Знам дека ја изневерив

Знам дека сум проклетник

Со ум расипан и неразбирлив

Пропуштени повици имам

од неа, од таа поема желбовна

Елегично аздисувам со расказот

Прељуба бидна во ноќта

тивка и ладна

Каде ли талка сега, таа

Поема нераскажана

Лута по умови разни

Кај мене абер нема да дојде

А сега побуда имам

имам и желба

Но поема немам…

Слични написи

Напишете коментар

Вашата адреса за е-пошта нема да биде објавена. Задолжителните полиња се означени со *

Крајбрежје